Saturday, July 26, 2008

حزن عميــــــــــق


يسري بخلجات نفسي حزنٌ عميقْ
يُظلم الدنيا بعيني ويضللني الطريقْ
فلا دمعا يسيل يداوي حزني
ولا جناحا يحمل لي احساس رقيقْ
حزن يهز كياني ويسري بروحي
ويلمع في سمائي شهبا وبريقْ
لا أعرف حقا ما سر حزني
ولا أجد سببا لحزني يليقْ
ويسائلني من حولي عن سر حالي
فلا أدري ما أقول لحبيبٍ أو صديقْ
ربما سبب حزني غياب حبيب
أو ربما سببه جفاء صديقْ
أو ربما عاصفة تجتاح نفسي
أو غبار يخفي نضار العقيقْ
أو ربما شوق إلي حبيب عمري
إلي أجمل هوي وأعز رفيقْ
فهل سيفارقني الحزن يوما
أم سيظل رفيق دربي حزن عميْق

سمسمة

23 comments:

dina said...

as simply it is
me too


i see it one expresing post

شق القمر said...

ربنا يبعد عنكم الحزن أبدااااااا
ويكرمك بلقى الحبيب عن قريب
ويكرمك بكل أصدقائك من حولك
أى نعم مقصرات نحن بس انتى عارفة الحال من بعضه
بت يا ترررررب
مالك انتى كمان
مالكم ياولاد
هى الامتحانات مأزمة مع الكل ليه كده
ولا عشان سايبنا لوحدنا مع نفسنا ونفسنا نهرب منها مش عارفين فبنظل حزانى
ربنا يستر

Nabil said...

ان شاء الله مش هايفضل الحزن رفيق ولا حاجه ........مدونه رائعه واتمنى نتواصل اعذري تدخلي
تحياتى

Little Angel said...

ياهلا سمسمة .. كل ده من الباطنة؟؟!!

يارب الامتحانات تبقى عشان يبقى الابداع

طبعا الحزن لابد منه واحيانا يجعلنا نتامل ونفكر واحياانا يعطينا شئ من رقيق المشاعر ولكن لاتجعليه ياخذ اكثر من حقه وعودى لابتسامتك

وربنا ما يجيب احزان ..رائعة تلك التساؤلات منك فى اخر سطورك وجميل ورقيق وعذب بالفعل ما كتبتى ..تحياتى حبيبتى ووفقكى الله

۩۝۩ Dr. Flavio ۩۝۩ said...

أولا .. شكرا لإجابة طلبي

ثانيا .. لن اتحدث عن أوزان أو قوافي

ثالثا .. ربنا يبعد الحزن عننا كلنا ونعيش دايما في سعادة

رابعا .. نتكلم شويه بقه في كلماتك

""فلا دمعا يسيل يداوي حزني
ولا جناحا يحمل لي احساس رقيقْ""

اه والله عندك حق .. وكما قالت ترررررب .. بوست معبر

""ويلتمع في سمائي شهبا وبريقْ""

وقفه بسيطه .. مانتي عارفاني لو نسيت الوزن مش هنسى النحو ههههههههههههههه

شهبا
لا تصح .. لأنها واجبة الرفع لأنها فاعل الجمله الفعليه ولو أن الفعل لم يوافقها من حيث التأنيث حيث أنها جمع تكسير فكان يجب أن تأتي (وتلتمع في سمائي شهب ٌ) أو تأتي .. (ويلتمع في سمائي شهاب ٌ) والله أعلم


لا أعرف حقا ما سر حزني
ولا أجد سببا لحزني يليقْ
ويسائلني من حولي عن سر حالي
فلا أدري ما أقول لحبيبٍ أو صديقْ
ربما سبب حزني غياب حبيب
أو ربما سببه جفاء صديقْ
أو ربما عاصفة تجتاح نفسي
أو غبار يخفي نضار العقيقْ
أو ربما شوق إلي حبيب عمري
إلي أجمل هوي وأعز رفيقْ
فهل سيفارقني الحزن يوما
أم سيظل رفيق دربي حزن عميْق

وجدتهم بشكل ما معبرين عني جدا .. بجد معناهم حلو

يسلم لنا قلمك الجميل ده

تحياتي

semsema said...

تررررب
اهلا بأشطر هاوس جيرل
نورت ياقمر
وان شاء الله ربنا هيعديها علي خييييييير

c u

semsema said...

روني حبيبتي
قلتلك يابنتي البوست ده هيكئب لناس مصدقتيش
اهي تررررب ما صدقت اهي

ولا مقصرات ولا حاجة روني
انا اعلم انني بقلوبكم كما تملئون القلب والعين

تسلمي حبيبتي وستدي هااارد

semsema said...

nabil

ان شاء الله يرحل الحزن سريعا برحيل الإمتحانات
ميرسي لذوقك وتعليقك بشمهندس
حضرتك تنور في أي وقت ولا تدخل ولا حاجة

تحياتي

semsema said...

الملاك الصغير الرقيق

دودو حبيبتي
ميرسي لذوقك ورقتك وادعي كتيييييير ربنا يعديها علي خير وينهي الفترة الصعبة دي بسلاااااام

اشوفك علي خير يوم امتحان الباطنة بس انتي ادعي ابئه شايفة ادامي بس

quiet_storm said...

لا حول ولا قوه الا بالله العلى العظيم

استهدوا بالله كده ياحلوين
وان شاء الله كله بيعدى

وبعدين ياجماعه لاحزن بيدوم ولا فرح بيدوم
ولا دايم الا وجه الله
وحدوووووووووه
لااله الا الله


سماح ياحبيبتى شويه هدوء كده ...ريلاكس خالص
وان شاء الله اللى جاى كله يبقى خير لينا كلنا
وربنا يوفقنا جميعا فى كل امور الحياه وانت فاهمنى بقى

تعرفى انا نفسى فى حاجه... نفسى اسمعها منك القاء يعنى
واوعى تفهمينى صح



دعواتى بالتوفيق والهدايه
وربنا يجمعنا كلنا على الخير مع كل من نحب

semsema said...

دكتر فلافيو

ميرسي علي تشريفك الموضوع
بس احنا ان ما سلمناش من الوزن والقافية مش هنسلم من النحو والصرف
هههههه
ميرسي عالتوضيح بس سؤال لولبي
هي متنفعش شهبا تكون مفعول به باعتبار ان تقدير الجملة
يلتمع الحزن في سمائي شهبا
ويكون الحزن هنا فاعل وشهبا مفعول به
نرجو الافادة انت عارف الانجليزي محي شوية النحو من مخي

تحياااااتي وحظ سعييييد مع الباطنة

semsema said...

حنووون ايه النور ده
شفتي اتحاد الاكتئاب المنظم للفرقة الخامسة يابنتي
هههههههه
يله ربنا يعديها علي خييير

وبعدين ياجماعه لاحزن بيدوم ولا فرح بيدوم
ولا دايم الا وجه الله
وحدوووووووووه
لااله الا الله

انتي بتذاكري بس اليومين دول ولا فيه اعمال اضافية اخري كلامك يخليني اشك بدبابيس الدنيا كلها انك بتشتغلي كده خير اللهم اجعله خير
هههههه

انما القاء ايه يابنتي بس
ما انتي عارفة اللي فيها

يله دعواتك وحسك معايه مطمني حسك معايه مدفيني ومنسيني الهم علي رأي الست مها البدري

تحياتي وحبي حنون

۩۝۩ Dr. Flavio ۩۝۩ said...

أول ما قريت ردك .. قلت ادور وافكر ورحت للجمله وقريت .. احترت بجد يعني

لكن قريت ردك والجمله اللي انتي قلتيها وضحكت
مش عشان معني الجمله ولا حاجه
عشان الحل قدامي بس هو غريب شويه

الفعل يلتمع .. أصله يلمع ولكن زادت عليه تاء

هذا لا يهمنا .. المهم أنه فعل لازم .. أي لا يتعدى لمفعول

يلتمع الحزن شهبا

لو الجمله هتبقى كده .. شهبا دي يا إما حال .. يا إما مفعول لأجله .. يا مفعول مطلق

انما أهم حاجه انها مش مفعول به .. انتي قرري بقه يا تخليها فاعل مرفوع يا تشوفي هتتنصب علي اي اساس

أنا شايف انه اسلم حل لا ننصبها ولا نرفعها .. خليها مجروره بأي حرف جر وريحي دماغك


معلش طولت عليكي .. زمعلش مره تانيه اني وجعت دماغك بالنحو
على فكره أنا أقدس النحو عن العروض

كل التحية والود

yasmina said...

للاسف نفس شعوري الان
لست اختلف عنك كثيرا

تحياتي لكلماتك الرقيقة

blue-wave said...

سيزول بالطبع
فلا حزن يبقى للأبد

semsema said...

د فلافيو

ولا وجعت دماغي ولا حاجة أنا بحب النحو كتييير من ايام ثانوي
دايمن منورني
تقبل تحياتي واحترامي

semsema said...

yasmina

اول مرة تزورينا
نورتي كلمـ حائرةــــــات
الحزن شيء توقيتي يزول بزوال المؤثر ولكن لابد مننا ان نعمل علي ازالته اولا

تقبلي تحياتي

semsema said...

دكتر عمرو فاروق

رغم صغر تعليقاتك الا انها تحمل في طياتها الكثير

تحياتي

Dr.Mohammed Gohary said...

ههههههههههههههههههه

يا ضنايا
هههههههههههههههه
ليه بس كدا

متزعليش نفسك
دا الشوجر ماشي في الزوغيرين

ههههههههههههههههههههههههههههه

لا بجد قصيدة روعة

Dr.Mohammed Gohary said...

بكره الحزن يمشي
وتروق الدنيا وتحلي

بس نخلص طب

أو يخلص علينا

تحياااااااااااااااااتي


تعليقين أهم

هههههههههههههههههههه
علي الله يتمر

هههههههههههههههههههه

semsema said...

ازيك يا د محمد
ايه الكرم الزايد ده
تعليقين مرة واحدة
تقول ايه بئه امتحانات ومووود مش ولابد فطبيعي الحزن والقلق
ان شاء الله يرحل سريعا برحيلها
تحياتي

Anonymous said...

ربنا يفك كربك ياسمسمه وتلاقي اللي يخفف عنك دايما جنبك كلنا بنحبك

semsema said...

sama

اللهم آآآآمين
ويارب دايمن ما يحرمني من اللي بيخففوا عني ويفضلوا جنبي كده
ولا ايه؟
خالص حبي ومودتي