Falling hearts Here
مصر مش مغنية ولا مغني ولا ستار في أكاديميولا عجوز بيتصابي ويتمني يكون أنيمي
**********
مصر مش لاعب حريف ولا مذيع دمه خفيف
ولا ناس كل همومها الصيني يبقي نضيف
*********
مصر مش حامي بيسرقها ولا زائر فرقها
بيشيع فيها الفتنة وبنارها يحرقها
*********
مصر مش شباب,في النادي طول اليوم
وبالليل عالديسكو وأهاليهم عالنوووووم
**********
مصر مش شاب,عامل شعره سبايكي
ومروش عالآخر وشايف نفسه فانكي
*************
مصر مش بنوتة ,همومها شعر مهفهف
وبادكير ومانكير,مش حاجة والنبي تكسف
**********
مصر لسان بيتكلم ولولادها بيعلم
بالحق صوته عالي وعمره ما هيستسلم
************
مصر طالب بيذاكر ولفضل بلاده شاكر
يحمي بلاده بعلمه,مش لجميلها ناكر
***********
مصر إيد بتصونها وعلي خيرها بتدافع
ومعاها صوت عالي,وأصوات الحق مدافع
********
مصر صحفي عنده ضمير وعلي بلاده بيغير
مش شاب كل أمله بره بلاده يطيييير
********
مصر أنا وهو وهم وإنتي
حالفين نرفع راسك,يابـــــــلدنا ياحبيبتي
سمسمة
سمسمة
25 comments:
انا اول كومينت
بجد جميله جدا ياسمسمه
عسوله اوى منك كلها كده على بعض
جبتى الصوره والنقيض
هو طبعا الصورتين موجودين بس اللى بنحاول نقوله ونوضحه
ان الغالب والاكثر انتشاراهو الصوره الحلوه اللى رسمتيها وليس الاسوء
شكرا وجزاك الله خيرا على التوبيك الجميل ده
بسم الله
بجد
جميل جدا البوست ده
حقيقة النهاردة لسه كنت بافكر في الموضوع ده لما شفت تكريم لشوية فنانين ومخرجين واحتفال بميلادهم ونعي بوفاتهم وكلام فاضي من ده وتجي تشوف هم عملوا اية تلاقي شوية افلام هابطة لا فكرة منها ولا هدف الا الهدم والتضليل والاغواء
بينما لا تجدي احدا يحتفل او يكرم احد من علمائنا او احد من رجال مصر الحقيقين امثال عبدالوهاب المسيري وغيره الكثيريين او ينعي ويحزن على وفاه رجالها المخلصين امثال الزعيم ابراهيم شكري مؤسس حزب العمل والذي قوبلت وفاته - من يومين فقط - بتجاهل اعلامي حكومي رسمي كبير
صدقت .. مصر مش كده
مصر فيها حاجات احسن واكبر واعظم واجل من كده بكتيييييييير
موضوع في الصميم
بوركتم
تحياتي
مش عارف ازعل ولا أعديها المره دي بما إني الكبير
ههههههههههههههههههههههههههههه
أعرف بالصدفه كده ان فيه بوست .. ولكنها أحلى صدفه
أجمل حاجه يا سمسمه إنك متقيديش نفسك .. اكتبي وعبري عن اللي جواكي
كلامك دهه فكرني بشوية كلام كنت كتبتهم بالعاميه وطبعا منشرتهمش لأني فاشل جدا فيها أصلها عايزه شوية براح ولأني اتعودت أكتب بالفصحى فالبراح ده مش عندي
بحب الشيشه والدخان
وأحب أسهر ولو سقعان..
ألاقي الكون "دفا" بيكي
ولو جه يوم..وجت أحزان
أحب أبعد .. لأي مكان
لكن شرطي.."يكون فيكي"
عشان قلبي في كل "أدان"
يصلي .. ويدعي للرحمن
تصير روحي "فداء" ليكي
دول أنا عملتهم وأنا قاعد وبكتب التعليق.. هو أول جمله كنت كتبتها مع الكلام اللي قلت لك انك فكرتيني بيه لكن مكنتش كملت بعدها فكملتها عندك
كان أول الكلام عن مصر وحبها ومعناها جوه قلبي
رغيت كتير أنا .. أرجع للموضوع
مصر زي ما انتي قلتي فيها حاجات كتييييير حلوه وحاجات كتييييير برضه وحشه .. لكن مينفعش نقول إن مصر كل جوانبها حلوه بس .. صحيح فيها متناقضات ولكن الجمال في مصر إنها بتجمع المتناقضات دي على أرضها
عارفه لو سألنا المغني بتحب مصر هيقول مصر اللي عملتني نجم وعملت شهرتي وكذلك لاعيب الكوره وكل الأمثله دي نابعه من مصر
مصر كيان كبير اتفق الكل على محبته يظهر البعض تفانيه في هذه المحبه ويُكن البعض تلك المحبه في قلبه ولا يظهرها ولكن تبقى محبتها في القلوب
تحياتي لك
السلام عليكم
انا شكلى خلاص هبقى زائر مستمر للمدونة الجميلة بتاعتك دى
انا دخلت بالصدفة البحته واللى انا بشكرها جدااا لانى لقيت الكلمتين الجامدين اوووى دول عن مصر
بجد ماشاء الله عليكى زى ماقلتلك قبل كدا بحس انك بتعبرى عن اللى جواكى على طول من غير حواجز وبالطريقة اللى انتى فقط حساها ودا اكتر شىء عاجبنى فى كلامك
مبروووك عليكى وعلى الكل البوست الجاامد دا
واتمنالك التوفيق دائما
وشكرا جزيلا
حنون
ميرسي ياجميل لذوقك
جمال الشيء بوجود ضده يتضح
منورة دايما بتعليقاتك
ربنا معاكي ومعانا في اللي جاي
أحمد سعيد بسيوني
فعلا دكتر أحمد مصر فيها حاجات أعظم وأجل من كده بكتيييييييير بس مين يسمع ويعي
كم يسعدني زياراتك
تقبل تحياتي
د فلافيو
إزيك دكتر محمود وربنا معاك في ما تبقي من الباطنة
كنت منتظرة أشوف تعليقك جدا
قلت بوست بلا وزن ولا قافية ولا حتي فصحي يبقي أكيد دكتر محمود هيقيم علي الحد الأدبي الشعري رسميا بس الحمد لله قدر ولطف
هههههههه
نيجي بقي للكلمتين الحلوين اللي حضرتك -ولا بلاش حضرتك دي-كتبتهم
بجد حلوين كتير واتمني اشوفلك حاجة عامية طويله كده وجامده كالعادة قريبا ان شاء الله
نيجي بقي لكلامي أنا
أنا عارفة ان كتير من الاعبين وغيرهم هينسبوا الفضل في النجاح لبلدهم
لكن انا قصدت ان مش المفروض ان وجهة بلدنا تبقي مغني ولاعب
هم ناس بيحققوا نجاحات في مجالات ترفيهية مش أكتر من كده وللأسف مش الاعلام مش بيركز غير عليهم
لكن المجالات العلمية والدينية والفكرية اللي هي المفروض تبقي مفخرتنا فيها مش مدينها اهتمام زي المجالات دي
اتمني يكون وجهة نظري واصلة
منور كالعادة طبعا
تحياتي وتقديري
إسلام الشاذلي
وعليكم السلام ورحمة الله وبركاته
كم يسعدني تشريفك بيتي المتواضع دكتر إسلام
وكم يسعدني أكتر رأيك وتعليقاتك
فعلا زي ما انت قلت أحسن حاجة الواحد يعبر عن اللي جواه كده بدون قيود او تجميل
اللي في قلبه علي قلمه ثم ورقته علي طول
تحياتي
دمت سالما
(هيقيم علي الحد الأدبي الشعري رسميا
هههههههههههههههههههههههههههه
حاليا أنا في فترة خمول يعني لا حدود ولا قيود
اذلك كانت البدايه مع الشيشه والدخان .. أخدتي بالك
ايه رأيك أسميها .. حشاش في حب مصر
ههههههههههههههههههههههههههههه
دعواتك ليا في امتحانات اليومين اللي جايين
طبعا متألقه وانا موافق علي كل كلمه ومصر فعلا بقت بتختصر في اشياء ليس لها علاقه لابمصر ولا المصريين والصوت الاعلي فيها للاسف للتافهين والمسفين
د فلافيو
ربنا يوفقك في الضربتين الجايين دل وان شاءالله يعدوا علي خير
ان مع العسر يسرا
ايه رأيك أسميها .. حشاش في حب مصر
عارف لو سميتها كده هتكون أشهر حاجة كتبتها طبعا لرواجها بين ....ولا بلاش الطيب احسن
ههههههه
وان شاء الله تنتهي فترة الخمول دي علي خير ويتبعها الاكتيفتي تاني
تحياتي وتقديري
nabil
سعيدة ان وجهة نظري وصلت
ميرسي لذوقك
زيارة عزيزة بشمهندس نبيل
تحياتي
ازيك يا سمسمة
طب والاله العظيم
ورحمة جوووز عمتي ليكي وحشة
يااااااااااااارب تكوني عملتي كويس في الامتحانات
بالنسبة للموضوع
مش هقولك رأيي
لأنك عارفاه
كالعادة مومتااااااز
وعقبال الباطنة
ههههههههههههههههههههههه
بس الصورة عجبتني جيداااااااااااان
ههههههههههههههههههههههه
احساس عالي
علي فكرة انا بحضر موضوع في نفس المعني قريب
شكل الباطنة بتقلب علي حب مصر
هههههههههههههههههههه
تحياتي
Salam...
the most beautiful and precious thing a person can have is "Haya" - ...
girls with scarfs look more graceful and pretty ... and show the real face of women in islam...
take care...
So nice of you that you added my blog to your list ... :)
but there was a tiny mistake...
you added
http://http//ksbabar.wordpress.com/
instead of
ksbabar.wordpress.com
i hope you will correct it...
take care...
God Bless you...
جميل جدا ياسمسمه وربنال يوفقك
د محمد الجوهري
ميرسي علي ذوقك كالعادة منورنا
ومنتظرين موضوعك الجديد
تحياتي ودعواتك
ks babar
dr khalid you are welcome here with your precious words
really haya
is a thing we miss greatly nowadays
my best wishes
sama
ايه النور ده بئه معقول تنازلت وتواضعت وزرتنا
ميرسي علي ذوقك يافندم
وحشتني كتيييييييير
ماشاء الله عليك
أحسنت بجد
وان كان كل المواقف اللي تفضلتى بذكرها موجودة وبصورة عالية ودا عشان احنا او معظمنا مش بيعتز ببلده واصله على العكس مثلا فى السعودية ممكن يكونوا شباب وبيفهموا جدا فى الموضه ووو بس يعتز جدا فى الشماغ والجلباب الابيض.. اصله لو نساهم مايبقاش سعودى والشاب اللى جاى من باكستان او اى بلد يدرس فى الازهر تلاقيه لابس لبس بلده حتى لو كانت الجلبيه القصيره فوق الركبه اللى تحتها بنطلون حتى مانول جوزيه
مش بيتكلم الا برتغالي مع انه كويس جدا فى الانجليزى طلب مترجم عشان هو مش هيتكلم الا بلغه بلده واحنا بنقول ميرسي وثانكيو على النقيض طبعا فى ناس بتعتز ياصلها وبلدها بس تفتكر ثقافتنا ومنوال التربيه فى اجيالنا الجديدة هيؤول لايه
اظن محتاجين وقفة مصريه زى مابيقولوا
واخيرا حب الوطن من الايمان
حلم كبير
جميلة أوي أوي يا سمسمة ماشاء الله و المدونة كلها تحفة بجد و مستنية جديدك
السلام عليكي
حلو يا سمسمة الموضوع دا
أيوه لازم يظهر الواقع مش اللي بيبينه الاعلام لان مش دي الغالبية
تسلمي على الموضوع
محمد عبد الباسط
فعلا زي ما حضرتك تفضلت وقلت اننا بقينا بنستخدم المصطلحات الانجليزية كتييييييير اوي مش عارفة ده بحكم دراستنا ولا تعود
انا فعلا هحاول عن نفسي اخفف شيئا فشيئا
نورت الموضوع بالتعليق
ومنتظرين نعل قريبا في حلم كبير
zanoba
وعليكي السلام ورحمة الله وبركاته
سعيدة برأيك في مدونتي وسعيدة أكتر بتعليقك
نورتينا
gehad
عود أحمد يا جوجو
المدونة اشرقت بتعليقك حبيبتي
متبعديش عنا تاني
تسلمي حبيبتي
دعواااااتك
Post a Comment