Saturday, March 22, 2008

لا تنسوني

أنا عارفه اني بتغيب كتير عن المدونة بس ده لظروف دايما خارجة عن ارادتي
فياريت ما تنسونيش
ودايمن تنتظروني زي ما أنا كمان بنتظر تعليقاتكم الجميلة
سمسمة

كلمات


أجمل ما في الدنيا دي انك تلاقي الشخص اللي يستحق تهديه
قلبك وانت سعيد وراضي.
سعيد بحبك ليه وراضي بانه يمتلك ويسكن أسمي وأرق ما تمتلك
جميل أوي انك تلاقي نصك التاني
يفهمك من مجرد نظرة في عينيك
أو من ملمح يترسم علي وجهك
يحس بيك اوي ويفهمك صح اوي
أعظم ما في الدنيا انك ما تخافش من بكرة
لان دايما معاك اللي بيطمنك
وما تخافش من المستقبل
لان معاك اللي هيهونه عليك
ومتخافش من الماضي
لان معاك اللي هيمحي آلامه واحزانه
وأرق ما في الدنيا انك تضحي علشان اللي بتحبه
علشان ترضيه وتسعده
وتطمنه
تضحي علشان هو أكيد يستحق كل تضحية علشانه
أصعب ما في الدنيا انك تقف عاجز
مش لانك مش قادر تبوح بحبك
ولا لانك عاوز تنساه ومش قادر
بس عاجز لانك
من حياءك
مش قادر حتي
تقوله كلمة نفسه يسمعها منك
بحبك
سمسمة.

Friday, March 21, 2008

عهد وسؤال


عهدتك ما مضي من العمر وما هو آتِ
عهدتك نبضا وشريانا وسر حياتي
اذا لمحتك عيناي في موقف
أغمضت عيني وغرقت في عميق سباتِ
أغمضت جفني علي صورتك
فصورتك أجمل ما زين الحدقاتِ
تلامسا الرمشان فرحا بوجودك
وتكحلا لأجلك جميل القسماتِ
وهلل القلب ودون مسرعا
في كتاب الحب أول صفحاتي
وتزينت روحي لنفحة حب
لأجمل نفحة من النفحاتِ
وهلل العمر وخرج هاتفا
لأول مرةمن حالك الظلماتِ
تسائلني لماذا كل هذا؟وكيف
نجوت من حصون حزن ممتنعاتِ؟
لاتسل قلبا أنت ساكنه
ولكن سل كل حبة رمل في الفلواتِ
سل كل زهرة في ربا بستان
سل كل طائر محلق في السماواتِ
سلهم جميعا ولا تسلني
فجوابهم جوابي مع اختلاف اللغاتِ
اذا تمايلت عليك زهرة
فمعناها أحبك بعدد كل حصاةِ
واذا غرد لك طائر
فمعناه أنك وحدك ساكن الذاتِ
واذا لم تعي لغات هؤلاء
فسل قلبك أنت,ياكل حياتي
سمسمة