Monday, June 23, 2008

يبقي إنت أكيد في مصر

تحديـــــــث
هم كلمتين أحب أقولهم للناس اللي قرأت البوست أو لسه مقرأتهوش
الصور اللي في البوست دي مش أنا اللي التقطتها يا جماعة
ولو حد افتكر كده ياريت يطرد الفهم الخاطئ ده.أنا شفت الصور وعجبتني أيا كان مين مصورها-الله أعلم_وقمت بكتابة كومنتاتي عليها
يعني من الآخر كده حقوق التصوير محفوظة
أصل بردو يا جماعة دي حقوق فكرية لا يصح نتخطاها ومجهود شخصي عظيم نحيي ملتقطهم عليه
سوري بئه تحديث متأخر بس مكنتش فاكرة ان الناس هتتخيل اني اللي مصوراهم
شكرا ليكم
ومع البوست
.
.
.
أنا اليوم إستأذنت من عمرو باشا اديب علشان أذيع الحلقة
بداله والراجل كتر خيره والله يعمر برنامجه أتاح لمذيعه مبتدئه مثلي الفرصة العظيمة دي





تشكر عمرو باشا





يله نبتدي الحلقة




معكم من امام شاشة الكمبيوتر القابع في غرفتي بالدور الثالث بمنزل بيتتنا<أظن العنوان ميتوهش> المذيعة الشابة د/سمسمة تقدم لكم هذه الحلقة وهبدأ معاكم بفقرة الصور




بصراحه ياجماعه أنا جايبلكم اليوم شوية صور إنما إيه موووووووووز من واقع شارعنا المصري المتصور جدا جدا جدا






عمــــــــــــــــــــــار

يامصــــــــــــــــــــــــــــر


نبدأ مع الصورة الأولي















بصراحة آخر توصلت إليه من معلومات أن برج بيزا المائل ده في إيطاليا بس جه مصر إمتي الله أعلم.
















طول عمرنا بنقدث لغة الضــــــــــــــــــاد,لأ بجد بنقدسها فعلا

ضاعت مفردات اللغة





إيه الجمال ده؟؟؟شايفين النظام؟؟؟

الشارع هينطق من النظافة
العربيات مرصوصة ولا المسطرة
ولا العربية اللي في نص الشارع ,دي مطب ولا إيه؟؟




ألفين سلام وتحية لوزير الإسكان والتموين والبيئه والصحة وعم محمد بتاع البلدية وكل القائمين علي العملية التنظيمية في شوارع المحروسة..





طول عمري بشهد لسواقين التكوسة في مصر بالذكاء والفطنة

تعظيم سلام لعم الأسطي سواق التاكسي ده














أيوه كده إجمد


أكل العيش يحب الخفيه










طبعا كلنا حاسيين بالحر فوق الفظيع ده ومحدش طايق الهدوم إللي عليه
وبصراحة إخوانا في شاطئ المعمورة ما قصروا

واستغلوا هذه الظاهرة أحسن إستغلال..







عظمة علي عظمة يامنتزه
أهو هو ده الإستثمار ولا بلاش

هو دخول المنتزه بردو في الإيام العادية زي الأجازات؟؟
إيشي خيال ياناس












ثانية واحدة ياعم الحاج بيرفعولك الكوبري كام متر من فوق اهو
يارااااااااجل جت في جمل
ولا يهمك
الشرطة في خدمة الشعب









بردوا ياجماعه راحة المواطنين مهمة قومية

راحتك غايتنا












طيب إيه الكلام البطال إاللي بيقولوه علي الحكومة ده

وإن مفيش فرص عمل وفيه بطاله

الراجل أهو 3في 1
وكما قال الحكماء
إحنا اللي دهنا الهوا دوكو






البلد دي فيها مساواة

حق التموين مكفول لكل مواطن هي الملاكي أحسن مني في إيه
ماليش نفس أمون يعني

إمضاء
حمارة ثائرة











إنجليزي ده يامرسي



زورونا تجدوا ما يشلكم












الباشا واضح طبعا إنه حرامي قديم وإن تواجده فوق المواسير أصبح أمر ضروري في حياته














بس طبعا بعد التوبة الوضع اختلف كتيييييييييييييييييييييييييير كما موضح بالصورة







الحاجة هي أم وأبو الإختراع كمان


وده طبعا واضح من الصورة إنها كانت قبل إختراع الربط بالحبل


كان يوجد الربط بالبني آدمين









يالذيذ يارااااااااايق


يا أرض إتهدي ما عليكي سيارة بشابوه أدي


بردو الجو حار وعندنا في مصر سيارتنا بمنتهي الرقة





كانت معكم سمسمة من أمام جهاز الكمبيوتر بالعنوان الموضح أعلاه

إلي لقاء إخر مع صور مصرية حية من شارعنا المصري المتطور جدا جدا جدا
.
.
.
فقرة إعلانية

23 comments:

أحمد سعيد بسيوني said...

بسم الله
جميلة جدا وظريفة هذه الصور المضحكة
واكتر واحدة اضحكتني صورة الراجل اللي راكب على المواسير فوق العجلة
ادخل الله السرور على قلبكم ما ادخلتموه علينا
تحياتي

semsema said...

في ظل هذا الوقت العصيب محتاجين أي حاجة تخرجنا شوية من المود الكئيب ده
يارب أكون قدرت ولو شوية صغننين أحقق ده
منور المدونة بتعليقاتك دكتر أحمد
لك خالص تحياتي

Dr.Mohammed Gohary said...

لا لا لا

مش ممكن
نياهاهاهااااااااااااااااا

لا لا لا بجد

جالي ديافراجماتك باراليسيز
انجليزي دا يا مورسي


لا دا سويسي

والموصحف موضوع زي العثل


بجد ثعيد بظيارة مضونتك طااااني

ومش هنصاكي نوهائي

متيئلائيش

نوهائي
ههأأأو

تحياتي

semsema said...

اهلا اهلا دكتر محمد
ميرسي علي ذوقك وكومنتك الجميل
بس انت مش شايف فعلا اننا بنقدص لغة الضاد
تحياتي لكل طب الزقازيق
وربنا يوفقهم جميعا
ويوفقنا يااااااارب
خالص مودتي وتقديري

۩۝۩ Dr. Flavio ۩۝۩ said...

صور مووووووووووز مووووووووووز مووووووووووز

والله يا سمسمه عندي صورهنفسي ألقطها وهاحطها وهاكتب بدون تعليق

بس للأسف موبايلي الريزوليوشن بتاع كاميرته مش حلو ..(( آل يعني فيه كاميرا)) هههههههههههههههه

الصوره عباره عن يافطة طبيب

اللي مخوفني بقه من الموضوع .. إن بنت الطبيب ده زميله لنا

بس أقول ايه .. الدكاتره زمان كان عليهم شوية يفط

ميرسي ع البوست الحلو ده وفي انتظار القادم

semsema said...

عود أحمد بعد طول غياب دكتر محمود
ايه النور ده
بخصوص موضوع الصورة حطها وشيل اسم الطبيب طالما فيه حظر تجول
وابئه قولنا عليه واحنا مش هنقول لحد
تحياتي دكتر فلافيو
وابئي عدي علينا ذهابا وايابا
دعواااااااتك

Anonymous said...

موضوع جميل وروح مرحه
علي فكرة كان برده في ملف عندي اسمه
Only In Egypt
كان دكتور من بلغاريا صديق لي بعتهولي

ممكن ابعتهولك
بيتناول موضوعك الي حد كبير
يعني الحاجات بتاعتني واحنا عندنا برده في طنطا قاعه افراح كاتبه
Green Balase
تقريبا غلطوا بدل ما يكتبوها
Palace
يعني ما فرقتش كتير
حرفين مجتش في جمل
ههههههههههه
استمري علي هذا الاسلوب
الي الامام
Exo

Dr.Mohammed Gohary said...

دانا بقول عليكي زكية

بيقولك الصوره كلها يافطة طبيب

يبقا لو شال الاسم ما يبقاش ليها معني

لان الاسم هو اللي غالبا عليه العين


تحياتي

ونورتيني وهتنوريني

شكرا بجد

semsema said...

دكتور شابومانيا
نورت المدونة
أنا شفت قاعة الافراح دي مش هي اللي في الجلاء بردو؟
متشكرة جدا علي ذوق حضرتك
تقبل تحياتي
زيارة عزيزة يارب ما تنقطع

semsema said...

دانا بقول عليكي زكية
حضرتك شايف غير كده ولا ايه؟
مع العلم بئه ان من سمات الدفعة بتاعتنا الذكاء الخارق
أنا فهمت ان دكتر محمود يقصد ان التعليق اللي في الافته علي اللي تحت الاسم مش علي الاسم
ايه انتوا عندكم لافتات الاطباء اسماء بس مفيش ماجستير من كذا ودكتوراة في كذا
انا اقصد ان الكومنت هيكون في دول مش في الاسم
تحياتي دكتور محمد
ومنور والله

محمود ابوالعزم said...

لذيذه جدا جدا جدا يا سماح
وتعلقاتك دمها خفيف جدا
ربنا يكرمك انك ضحكتينا في المود ده

Anonymous said...

ازيك يا سما؟
أظن كده عرفتيني
طول عمري من واحنا أطفال بقول ان روحك حلوة ودمك خفيف
يارب يسعدك دايمن ويحققلك كل اللي بتتمنيه
متستغربيش اني عرفت المدونة وعنوانها
اللي يسال ميتوهش
شدي حيلك في المذاكرة عاوزين نفرح بتقديرك السنة دي يا ارق سمسمة
متنسينيش من دعواتك زي عمري ما بنساكي من دعائي
A S

semsema said...

منور والله يامحمود
ميرسي علي كلامك الجميل
وربنا يكرمك ويبارك فيك انت كمان يامحمود
بس أنا كده هتغر خد بالك
يارب تكون عملت كويس في امتحان الاطفال
لنا الله جميعا
تحياتي شاعرنا العظيم

semsema said...

عين ونني
طالما قلت سما يبقي اكيد عرفت حضرتك
اهلا بيك
وميرسي علي ذوقك
تحياتي

quiet_storm said...

الصور ظهرت وانا وصلت بالسلامه
عايزه ترحيب جامد من صاحبه المدونه وهى وذوقها بقى

موضوع ظريف لطيف ودمه خفيف
زى حد فى بالى كده وهو اكيد فى بالك برده
والصور تحفه تحفه من هنا لبكره
لا عندك حق كان لازم فعلا اشوف الصور دى
كان هيفوتنى كتييييييييير

ومتنسيش تسلمى على عم اديب

تحياتى ياعسول واشوفك على خير متنسيش تدعيلى يابركه

semsema said...

حنووووووووون ايه النور ده
أكاد لا أصدق عيناي
كويت ستورم عالصبح كده
غردي ياطيور أزهري يا زهور في بيتنا اليوم حنووون
ايه رأيك ياجميل في الترحيب الجامد ده؟
شفتي بئه انه بالصور له طعم تاني
إنما صحيح مين ده اللي ظريف ودمه خفيف؟؟
يله نعديها المرة دي
وحشتني كومنتاتك ياقمر
متطولش الغيبة تاني
كفاية عليكي الجرعه دي بئه
يله سلام والقاكي الإثنين علي خييييييير

fleur de Rif said...

رهيبة تعليقاتك على الصور

semsema said...

fleur de rif
ميرسي ليك
زيارة عزيزة للمدونة
دايمن منورانا
تحياتي

محمد حلمي مخلوف said...

صور معبرة فعلا
يبقي انت اكيد في مصر

semsema said...

محمد حلمي مخلوف
ميرسي علي ذوقك ومرور كريم علي بيتي الصغير
يارب ما ينقطع
تحياتي

Dr.Mohammed Gohary said...

أهاااااااا

هيبقا زميل الجراحين بجامعة دمنهور مثلا
أستاذ التخدير بالمستشفي العام بالسنطة
أهاااااااااا

فهمت فهمت
طاب عالبركة
اديلوووووووو

تحياااااااااتي

Nabil said...

بجد موضوع رائع وفيه صور مش عارفين نضحك ولانبكي منها
تحياتى

semsema said...

nabil

نورت المدونة والبوست بالتعليق بشمهندس نبيل
ومعالك حق هم يبكي وهم يضحك
تحياتي